හිරු ද සැඟවී - සඳු ද සැඟවී
නැවුම් පැතුමන් සැඟවිලා
මුහුද නිසල ය - අහස අඳුරු ය
ඔබේ පැතුමන් බොඳවෙලා
සිතේ පිබිදී - හදෙහි මේරූ
ප්රථම ප්රේමය ගොළුවෙලා
ඔබේ පැතුමන් - පුබුදුවන්නට
නැත වරම් මට හිමිවෙලා
නෙතින් කඳුලැල් - සෝ සුසුම් රැල්
පාවි යන්නට ඉඩහලා
පිපුණු කැකුළක - සුවඳ විහිදන
තාරකාවකි ඔබෙ සිනා
හද රුවාගෙන - නෙත් අයාගෙන
නොම බලාහිනු මා දිහා
පසක් වුනි ඔබෙ - ප්රථම ප්රේමය
උපන් ගෙයිදි ම මියැදුනා
No comments:
Post a Comment