අවුරුදු හතරක් වනවිට
අකුරු ශිල්ප හදාරන්න
ගේ ළඟ ඇති පාසලකට
අම්ම මාව රැගෙන ගියා
අනෙක් ළමයි කාර් එකෙන්
පෙර පාසල් එනව දැකල
මටත් එහෙම ඕනෙ කියල
ගෙදර ඇවිත් හොඳට ඇඬුව
අක්කල මට හිනාවුනා
මගේ තවත් හිත රිදුනා
මෙච්චර ළග පාසලකට
මොන කාර්ද පුංචි දුවේ
මගේ අම්ම මා ඇමතුව
ඊළඟ දවසත් ආවා
කරන්නම්කො හොඳම වැඩක්
රමනි ටීචර් ළඟට ගිහින්
හොඳ හැටියට කඳුළු හෙලුව
රමනි ටීචර් දුචල ගිහින්
සෙල්ලම් කාරයක් ගෙනත්
පුංචි මගේ අතේ තැබුව
ඒක අරන් පොලොවෙ ගහල
ටීචගෙ කුස්සියට දුවල
ටිචගෙ අම්මා ඵක්කල
කොස් ගෙඩියක මදුලු කැපුව
අනේ මගේ පුංචි කෙල්ලෙ
ඔයා අනාගතේ දිනක
හොද බිරිඳක් වෙනවාමයි
රමනි ටීචර් කියනු ඇහුන
පුංචි අතේ කොහොල්ලැ ටික
පොල්තෙල් ගා සෝදාලා
රමනි ටීචර් මාව වඩා
මගේ නළල සිප ගත්තා
ඊට පස්සෙ දවසෙ සිටන්
හැමදාමත් කුස්සියෙමයි
ටීචර්ටත් හරිම දුකයි
පෙර පාසල් හැරයාමේට
කාලය දැන් ළඟට ඇවිත්
රමනි ටීචර් 'අ' කිව්වම
'අ'ම්'මා--අම්මා
'තා'ත්'තා--තාත්තා
කොහොමද මේ පුංචි කෙල්ල
කුස්සියෙ සිට මේව දන්නෙ
නිම්හිම් නැති සතුටු සිතින්
ටිචර් මාව බදා ගත්ත
බාලාංශෙ ඉගෙනුම මගෙ
ධනාත්මක චින්තනයට
ගෙනගිය මගෙ ගුරුතුමියට
උපහාරෙකි මේ නිසදැස
No comments:
Post a Comment